GERTA'S PLAY ZONE

Çdo ditë nga e hëna  në të premte ora 16:00-  18:00 si dhe ritransmetim gjatë fundavës

Një emision bashkë shoqërues që i drejtohet të gjitha grupmoshave veçanërisht gjatë qendrimit në makinë apo çdo ambient tjetër. Informacion soft i sjellë çdo dy kengë, permbledhur shkurt , por tejet interesant shoqëruar me batuta apo koment nga prezantuesja. Ndërhyrjet do jenë të përqendruara në ngjarjet më të rëndësishme të javës pa përfshirë kronikë të zezë apo politikë.

Fokusi kryesor : lifestyle, shëndetësi, showbiz nga vendi dhe bota, teknologji dhe studime nga më të ndryshmet që i përkasin çdo fushe.

Gjithçka e sjellë në formë kurioziteti që të mbahet interesi i audiencës.

Muzika: Top 40 dhe çdo 5 këngë një element nostalgjik, pra një superhit i çdo kohe.

Muzikë gjithëpërfshirëse dhe gjatë gjithë kohës me ritëm.

8.png

Autorja

Gerta HETA

 Moderatore/Këngëtare

Karriera e saj  nis në vitin 1997 në ekranin e parë privat shqiptar “Shijak Tv” si prezantuese e një hit parade. Më pas në vitin 1998 bëhet prezantuesja e parë dhe zëri i parë që dëgjohet në “Top Albania Radio” , duke drejtuar një ndër emisionet më të ndjekur të asaj kohe "Një këngë për ty". Në  vitin 2001 , ajo ndoqi studimet për regji televizive në NY ku qendroi për 5 vjet dhe punoi njëkohësisht për 2 vite si prezantuese në një radio lokale “Kiss FM Poughkeepsie” si DJ dhe prezantuese.

Në vitin 2003 Gerta nis të këndojë duke lançuar "My love" këngë e cila atë vit u bë hit.  Karriera muzikore , pasoi me publikime te tjera si "Vetem",  "Më ngjan sikur"

Në vitin 2006 ,Gerta nis një tjetër rrugëtim , kësaj here në televizion në rolin e prezantueses dhe regjizores së edicionit më të ndjekur të "Kafazi i Artë 5" në News 24. Po ashtu moderoi emisionet "Zahire" dhe "Ne"

Në vitin 2010 i rikthehet këngës me publikime të reja duke marrë pjesë në Top Fest me "Inspirim". Publikon videoklipe si " Lamtumire" dhe "Dashuria nuk ka fe" një duet me Visar Rexhepin dhe njëkohësisht punon si drejtuese e Kiss FM Albania për disa vite rresht.

Prej 12 vitesh Gerta është zëri zyrtar i “Vodafone Albania” ,  prezantuese e emisionit "Hipokrati" në Top Channel , por dashurinë për mikrofonin nuk e ka humbur kurrë teksa çdo ditë nga ora 16.00-18.00 ju bën shoqëri në Play Radio Albania 91.1 FM me emisionin e saj “Gerta’s Play Zone”

-640-0-60aa7fbc22a72 (1)_edited.png